منی میں خطبہ حج کے دوران شیخ سعد بن ناصر الشثری نے جہاں دوملین حاجی وقوف عرفات کے لئے جمع تھے فرمایا کہ تمہارے ہاتھوں میں اللہ کی کتاب ہے اس کو مضبوطی سے تھامے رہو۔ علما سے درخواست کی کہ امت کے مسائل کا حل کتاب اللہ سے نکالیں کہ اللہ کی کتاب تمام مسائل سے نمٹنے کے لئے بہترین رہنما ہے۔ شیخ نے مزید برآں ارشاد فرمایا کہ شریعت مطہرہ سارے عالم میں امن و سلامتی کا حکم دیتی ہے جبکہ اس بلد مبارک میں امن کا قران نے اعلان کیا ہے کہ اس مکہ مکرمہ جس می اللہ کی نشانیوں میں مقام ابراہیم بھی ہے جو اس میں داخل ہوگا وہ امن سے رہیگا۔ اس لئے ہمیں یہاں کے امن کا پورا پورا اہتمام کرنا ضروری ہے۔ انہوں نے مسجدہ اقصی کی بازیابی اور فلسطینوں کی حفاظت کے لئے دعا فرمائی۔