النفوس أشبـه بالأجسـاد العرايـا
كل ما مالت عن الحـق وطريقـه
من يقومهـا علـى كـره الخطايـا
تستقيم ابها الأمم وتصيـر أنيقـه
والحقيقـة لـو تشوههـا النوايـا
فـالنهايـة ما يصـح إلا الحقيقـه
السواد اللـي شـرب بعـد الزوايـا
لين صارت محبطة نتنـة زهيقـه
نصفه أحـلام ومتاهـات وبقايـا
من رواسب قابعة ما هـي طليقـه
ينفث التشويه وأضغـاث الحكايـا
فـالمكان وينخلق مليون ضيقـه
وتبهت اللحظة ويشحب وجه (مايا)
وتستفيق ويحتضر وجـه الحديقـه
كنهـا مخلوقـة عكـس الصبـايـا
تثمل الوحـدة ونكـران الصديقـه
ما استقامت فـالوجيه ولا المرايـا
لو شربها الحسن وأهداها رقيقـه
ليه ينفـى صبـح وأحـلام وهدايـا
وتستباح أبهى التفاصيـل الدقيقـه
كن هذا المجتمـع نصفـه منايـا
لانتفـاء الطهـر والـورد ورحيقـه
يكبر التخمين بـاصـدور البرايـا
ويتسع حجم المساحـات السحيقـه
وتنبـت اللحظـة عذابـات ورزايـا
من بزوغ الحزن لين آخر مضيقـه
وترتبك بـاصدورنـا بيـض النوايـا
بيـن صدمتنـا وتفسيـر الحقيقـه
نايف السميري