كتييير من العوائل، نسأل الله سبحانه وتعالى أن يهديهم ويصلحهم، ما يعجبهم اللفلفة والبرم في الأسواق والمولات إلا في ليالي رمضان وتلاقيهم من بعد الفطور لبسوا عباياتهم حريم على بنات وهات با برم في كل سوق وفي كل مول بحجة هادول عندهم ماركة وهادول موضتهم حلوة، وتضيع أيام وليالي رمضان اللي كلها عبادة وصلاة في أمور تافهة، هدا غير الأمور التانية اللي بتجرح صيامهم وأكيد فاهمين ايش قصدي، أنا أبغى أفهم ليش ما تكون نزلت المولات في رجب والا في شعبان، وكل عائلة تشتري حاجات العيد قبل لا يدخل عليها الشهر الفضيل، مو كلها خرق بتتلبس، والا انتوا مصدقين انه تجار الملابس جايبين لكم شي مخصوص للعيد، يا ناس يا هووه كلها بضايع مكدسة من شهور وما ينزلوها للسوق في رمضان إلا عشان يرفعوا سعرها، يا خساره ضاعت عليكم الأيام والليالي المباركة، وسلموا لي على الموضة والماركة.