ارتحال الشيح

على باب الظما غيمه تسولف للتعب عن ريح

حضنها البرد واختارت تصير ايدين حطابه

هنا الما.. قالت لرعشه جهاته واورق التسبيح

ملامح ناس موعوده بغيث وناس مرتابه

هنا الما.. قالت لدمعة جفافه وارتحال الشيح

ولا شاف الوعد واضح يطفي شمع ترحابه

تغني له تنادي له تهز اغصانها ويطيح

يشد الوسم لفياض الحياه وتزهر اطنابه

كثيف البرد بعروقه كثير الحزن والتلويح

على درب اخطاه ابعد من اخطاه وتعنابه

سفر روجه، بداياته، حكاياته وناي يصيح

مواعيده تناهيده، حكي معناه وكتابه

تعلق به من انفاس الغموض ايماءة التصريح

وياخذها على ظله من اللحظة وتزهى به