الوطـن رايتـه بالعز مرفوعـة
والمشاعر على شانـه نطرزهـا
والقصيد بغلاه يزيـن موضوعـة
والحروف بعقود الحـب نبرزهـا
ظلنا منبـت الخيـرات بفروعـة
مهبط الوحي والسنة ومركزهـا
موطن أمجاد والأمجاد مسموعـة
في قلوب الملوك اللـي تعززهـا
تحت ظل أبومتعب تثمر زروعـه
حاكـم عانـق العليا وجاوزهـا
وأبو خالد سيوف العـز ودروعـه
صورته في عيون الشعب بروزها
لا امر كلنا نمشـي علـى طوعـه
والمهمات لاجل رضاه ننجزهـا
نحمد الله على شوفته ورجوعـه
تو الأفراح غنت لـه بموجزهـا
تزهر أرض الوطن لاعاد لربوعه
وتفرح أطفالهـا وأكبر عجايزهـا
سيـدي نهر جود وخير ينبـوعـه
كفه الغيم واسمه للكـرم يزهـا
كم ضعيف تحدى بالعطاء جوعه
والمكارم بفعل الطيـب عجزهـا
وكم يتيم مسح في كفه دموعـه
طيبته تصعب القيفـان تفرزهـا
وكم كفيف بعطفه يشعل شموعه
فضل جوده خذى جملة جوايزها
نادر سيدي سلطـان فـي نوعـه
فاز بأوصاف كل المجد وأحرزهـا
سعد الجميلي
