محمد بن راشد يستنكر استهداف الإرهابيين للحرم المكي بقصيدة "إجرام"

نشر الشيخ محمد بن راشد آل مكتوم، اليوم (السبت)، قصيدة يستنكر فيها تخطيط المجموعة الإرهابية لاستهداف الحرم المكي الشريف وقاصديه.

وحملت قصيدة الشيخ محمد بن راشد عنوان "إجرام"، وقال فيها:

كانوا العرَبْ في الجاهليِّهْ والإسلامْ

يـحـمـونْ بــيـتْ اللهْ ونـــاسٍ تــزورَهْ

وكـانوا عـلىَ شـركْ وعبادهْ للأصنامْ

يـاغـيرْ حــبْ الـبيتْ وأمـنهْ ضـرورَهْ

يـحـمـونْ حـجَّـاجهْ ويـغـدونْ خــدَّامْ

ويــعـظِّـمـونِـهْ وآمـــنـــاتٍ طـــيـــورَهْ

مَـرْ الـزِّمانْ وجـوْ لـنا أهـلْ الأوهـامْ

إمـامـهمْ إبـلـيسْ هُــمْ طــوُعْ شـورَهْ

إيرَوِّعونْ اللِّي إلبسوا ثيابْ الإحرامْ

عـــمَّــارْ دارٍ بــالـصَّـلاهْ إمْــعَـمـورَهْ

بـلـيَّا حـيـا أَوْ خــوفْ تـدميرهمْ دامْ

لينْ إوصلوا في الشَّرْ لأكبَرْ خطورَهْ

وإلاَّ يـجـوزْ بـشـهرْ والـنَّاسْ صـيَّامْ

لــيـلـةْ خــتـامْ الآيْ تـنـفـحْ عــطـورَهْ

يـجـي مـخرِّبْ لابـسْ حـزامْ الألـغامْ

والـنَّاسْ حـولْ الـبيتْ فَ آتَمْ صورَهْ

يـبـغي يـفـجِّرهمْ ويـحـكمْ بـالإعـدامْ

عـلـىَ أبـريـا وبـالـغدرْ نـاذرْ نـذورَهْ

إخــتـارْ وأمـثـالـهْ الأذيِّــهْ والإجــرامْ

وســاروا بــدربٍ فـيهْ شـوكْ ووعـورَهْ

فـي أيْ شـرعْ يـجوزْ هـذا يا ظَلاَّمْ

واللهْ حــمـىَ بـيـتـهْ وعــظَّـمْ أمـــورَهْ

فـي سـورْةْ الـحَجْ الـدلايلْ والأحكامْ

ردٍّ مِــنْ اللهْ لـمـنْ نـوىَ فـي شـعورَهْ

يـاكـيفْ مِـنْ خـطَّطْ بـتفكيرْ وإلـهامْ

مِـنْ غـيرْ خـوفْ وبـانْ وهـمهْ وزورَهْ

يـا أهـلْ السياسهْ والثقافة والاعلام

اتـجـمـعوا لاحـــق واحـمـوه صــورة

ولــمـن يـقـصـر بـيـجـي لـــك الــزام

والله ضــامــن أنــــه إيــتــم نــــوره