أودت الشهامة بحياة شاب حاول مناصحة شابين بعد التعرض للفتيات أثناء خروجهن من المدرسة، ليقوما بالاعتداء عليه بالأسلحة البيضاء، في منطقة السلام في محافظة القاهرة.
وقالت شقيقة الشاب الضحية، لـ«القاهرة 24»: «أنا أخويا كان شغال ومعاه توك توك زيه زي أي حد بيشتغل وبياكل عيش، وكان بيوصل واحدة وشاف شابين بيشتموا فتاتين، وبيتعدوا عليهم، فنزل أخويا من التوك توك بتاعه عشان يكلم الشباب دول فاتضايقوا من كلامه، واتخانقوا مع بعض».
وأضافت: «ترك أخويا هؤلاء الشباب وانصرف عنهم، وتوجه إلى مزلقان القطار من أجل مواصلة عمله، وتوصيل الزبائن، لكن الشابان لاحقاه عن طريق توك توك، وكان بحوزتهما أسلحة بيضاء، ودخلا على أخويا ولما شافهما نزل من التوك توك، وأقدما على قتله بآلة حادة».
وطالبت شقيقة المغدور، بحق أخوها قائلة: «اللي راح مننا عشان شهامته وجدعنته».